Arsenal heq dorë nga Chamakh

Sipas mediave franceze ekipi i Arsenalit ka hequr dorë nga ideja për të angazhuar sulmuesin e Bordeaux, Marouane Chamakh.
Sulmuesi u paralajmërua si një pasardhës i Emmanuel Adebayor, i cili këtë verë u largua nga Arsenali dhe u zhvendos në Manchester City.Arsene Wenger që para disa muajsh bëri të ditur se ata janë duke e përcjellë situatën e Chamakh dhe pas shitjes së Adebayor, topçinjtë ofruan 7 milionë euro. Por ekipi francez dëshironte më shumë para për sulmuesin, saktësisht 12 milionë euro.Por Wenger duket se nuk është i kënaqur me negociatat dhe sipas Canal+ Arsenali tashmë ka hequr dorë nga angazhimi i Chamakh. Për sulmuesin të interesuar kanë qenë edhe Sunderland dhe West Ham.

Category: Futboll