Liverpooli mund ta transferojë Baptistan

Sulmuesi i Romës, Julio Baptista, gjatë këtij afati kalimtar ka qenë i kërkuar nga shumë skuadra evropiane, duke përmendur edhe disa skuadra angleze, siç janë Tottenhami dhe Evertoni.

Edhe pse braziliani ka thënë se nuk është i interesuar që të kthehet në Ligën Premier, së fundmi edhe Liverpooli është shprehur i interesuar për shërbimet e tij.

Sipas njoftimeve më të reja nga “Sportsmediaset”, Të Kuqtë do të ofrojnë afër 7-8 milionë euro për transferimin e tij, dhe janë të bindur se do të arrijnë marrëveshje me Giallorossët duke llogaritur raportet e mira që kanë me skuadrën nga kryeqyteti i Italisë.

Category: Futboll