Real fiton bindshëm përballë Borussia

Reali i Madridit ka shënuar fitore të thellë prej 5-0 në miqësoren përballë ekipit gjerman Borussia Dortmund.

Mbretërit shënuan pas vetëm tre minutash lojë me anë të mesfushorit Esteban Granero, që doli të ishte goli i vetëm i pjesës së parë. Me të filluar pjesa e dytë, po në minutën e tretë, spanjollët dyfishuan rezultatin, kësaj here me anë të anësorit Arjen Robben.

Por pjesa e dytë solli edhe tre gola të tjerë. Në listën e golashënuesve u shënuan edhe sulmuesi argjentinas Gonzalo Higuain (73’), mesfushori brazilian Kaka, i cili shënoi nga penaltia (76’) dhe në minutat e fundit të ndeshjes, rezultatin e vulosi kapiteni Raul Gonzales (89’).

Category: Futboll