Xavi: Barcelona kurrë nuk lodhet së fituari

Mesfushori Xavi Hernandez ka lavdëruar bashkëlojtarët e tij pas ndeshjes së parë të Superkupës së Spanjës, të cilën Barcelona e fitoi me rezultat 2-1 në udhëtim te Athletic Bilbao.

“Ky ekip kurrë nuk do të lodhet së fituari. Ne kemi të njëjtin trajner, të njëjtin ekip dhe të njëjtim sistem. Ne kemi luajtur me lojën tonë të zakonshme atraktive, sulmuese”, ka thënë Xavi.

Xavi, i cili shënoi golin e parë të Barcelonës, atë të barazimit, po ashtu ka falënderuar fansat e Bilbao për përkrahjen ndaj tij pas zëvendësimit.

“Është nder për mua pasi ata janë një publik i mrekullueshëm dhe kanë një stadium fantastik”, ka shtuar mesfushori.

Category: Futboll