Del Piero nuk luan kundër Lazios

Juventusi ka pësuar një goditje të madhe para ndeshjes së rëndësishme kundër Lazios, pasi që kapiteni Alessandro Del Piero nuk do të luajë në këtë përballje si pasojë e lëndimit.
“Tuttosport” njofton se lëndimi i cili e ka munduar javët e fundit simbolin bardhezi është shfaqur sërish, prandaj mjekët ia kanë ndaluar që të luajë në ndeshjen e rëndësishme kundër Lazios, e cila zhvillohet në Olimpico të Romës. Pritet që David Trezeguet ta zë vendin e Del Pieros, duke qenë se Vincenzo Iaquinta ndoshta do të lejohet të pushojë pas dy ndeshjeve me përfaqësuesen e Italisë.

Category: Futboll