Probleme edhe për Iaquintan

Vincenzo Iaquinta i shtohet listës së lojtarëve të lënduar të Juventusit. Sulmuesi italian të martën do t’i nënshtrohet operimit të meniskut, me ç’rast mund të qëndrojë jashtë fushe për 40 ditë.
Iaquinta nuk luajti në ndeshjen e të dielës kundër Sienas pasi që kishte pësuar një lëndim të shtunën në stërvitje “Ekzaminimet kanë treguar nevojën e operacionit të meniskut në gjurin majtë të Iaquintas. Ndërhyrja kirurgjike do të realizohet të martën...” thuhet në deklaratën zyrtare të klubit. Ky nuk është një lajm i mirë për trajnerin Ciro Ferrara duke qenë se edhe Alessandro Del Piero është i lënduar, prandaj i mbeten shumë pak zgjedhje në sulm.

Category: Futboll