Vettel në ‘pole position’, Button i shtati

Piloti i skuderisë Red Bull, Sebastian Vettel, ka siguruar ‘pole position’ për garën për Çmimin e Madh të Japonisë që mbahet të dielën në Suzuka.
Piloti i Toyotas, Jarno Trulli, do të startojë i dyti, ndërsa Lewis Hamilton (McLaren) dhe Adrian Sutil (Force India) pas tij. Lideri i Kampionatit të sivjetmë në Formula 1, Jenson Button, ka siguruar vetëm vendin e shtatë, dy pozita prapa bashkanëtarit të Brawn GP dhe sfiduesit kryesor për titull, Rubens Barrichello. Për të siguruar Kampionatin, Button duhet të fitojë me pesë pikë diferencë nga Barrichello në Japoni.

Category: Formula 1