Edhe Ralf Schumacher kthehet në Formula 1?

Pas rikthimit sensacional të kampionit të shtatëfishtë në Formula 1, Michael Schumacher, spekulohet se edhe vëllai i tij Ralf do t’u kthehet sërish pistave.
Tabloidi gjerman Bild, ka cituar 34-vjeçarin të ketë thënë se ndjen sërish zjarrin e F1, duke lënë të hapur mundësinë e rikthimit në garën më prestigjioze automobilistike. Sipas të njëjtit burim, thuhet se Ralf Schumacher ka marrë ofertë nga njëra prej skuderive të reja që do të garojnë në sezonin e ardhshëm në F1 (Lotus, US F1, Campus apo Virgin).

Category: Formula 1