Babel mendon të kalojë te Birmingham

Agjenti i Ryan Babel thotë se ekziston mundësia që anësori i Liverpoolit të transferohet te Birmingham.
Në fillim të këtij muaji, Birminghami bëri një ofertë të mirë për holandezin, i cili nuk ka vend në formacionin bazë të Rafa Benitez, mirëpo Liverpooli refuzoi ofertën prej 9 milionë eurosh.
Arsyen e refuzimit, Benitez e shpjegoi me faktin që Babel dëshironte të qëndrojë te Të Kuqtë. Mirëpo duket se tani 23-vjeçari po mendon të kalojë në një skuadër tjetër.
“Birminghami është akoma një mundësi... Jemi duke shqyrtuar ofertën”, ka thënë agjenti për The Sun.

Category: Futboll