Zyrtare: Robinho huazohet te Santos

Manchester City ka konfirmuar se sulmuesi brazilian Robinho do t’i bashkëngjitet skuadrës Santos, ku do të qëndrojë gjashtë muajt e ardhshëm.
“Klubi mund të konfirmojë se është arritur marrëveshje me Santosin për Robinhon, për t’iu bashkëngjitur për gjashtë muaj në formë huazimi. Marrëveshja ka efekt të menjëhershëm dhe përfundon më 4 gusht”, shkruan në deklaratën zyrtare të Cityt.
Trajneri i ‘pasanikëve’, Roberto Mancini, i cili javën e kaluar tha se nuk dëshiron që Robinho të largohet, sot është shprehur se braziliani ka nevojë të luajë rregullisht dhe se ia dëshiron të gjitha të mirat gjatë periudhës së huazimit.

Category: Futboll