Zaccheroni, sonte tifoz i Interit

Për dallim nga trajneri i Milanit, Leonardo, trajneri i Juventusit, Alberto Zaccheroni, thotë se do të jetë tifoz i Interit në takimin e të mërkurës mbrëma në Ligën e Kampionëve kundër Chelseat.
Leonardo ka deklaruar se sonte do ta mbështesë ekipin e ish-trajnerit të Milanit, Carlo Ancelotti, ndërsa përkundër rivalitetit me Interin, Zaccheroni thotë se do ta mbështesë ekipin e Jose Mourinhos.
“Unë gjithmonë i mbështes ekipet italiane. Mendoj se është një obligim për italianët që t’i mbështesin ekipet italiane, edhe pse në anën tjetër, Ancelotti është një mik i imi. Shpresoj që ai ta fitojë Ligën Premier”, është shprehur trajneri bardhezi.

Category: Futboll