Galliani: Nuk flas për Interin
Zëvendëspresidenti i Milanit, Adriano Galliani, ka refuzuar t’u përgjigjet akuzave të drejtuesve të Interit, kinse vendimet e dyshimta të gjyqtarëve, iu kanë ndihmuar Rossonerëve që të rihapin garën për titull.
“Nuk dua të flas për askënd tek Interi. Ata shpeshherë e bëjnë për ne, por unë e kam krijuar një rregull këtu, që thotë të mos flasim për Interin”.
“Ne gjithashtu nuk duam të flasim as për gjyqtarët”, theksoi Galliani.
Drejtori i Interit, Gabriele Oriali, pas barazimit ndaj Palermos ka përdorur ironinë, kur tha se gjyqtari dështoi të ndëshkojë mbrojtësin e Palermos, Cesare Bovo, me karton të kuq, pasi ky i fundit përdori bërrylin në duel me Militon.
Category: Futboll
0 Komente