Ronaldinho: Dua t’ua dhuroj Scudetton tifozëve të Milanit

Ylli brazilian Ronaldinho ka pranuar se Interi është favorit për titullin e Kampionatit italian, por ka thënë se skuadra e tij ka motivacion të shtuar, duke qenë se Rossonerët nuk e kanë fituar Scudetton qe gjashtë vite.
“Interi është në maje, ata e kanë fituar titullin me vite të tëra dhe janë para Milanit. Ata janë para nesh, si në tabelë, ashtu dhe me tituj. Por, ne jemi ndoshta më të motivuar”.
“Ne nuk e kemi fituar Scudetton që një kohë të gjatë. Ne po vuajmë për atë, ne po luftojmë për atë, ne e duam atë”.
“Ne kemi edhe dhjetë ndeshje për të luajtur e të cilat do të jenë si dhjetë finale. Ne nuk do të dorëzohemi. Jam i kënaqur me veten deri tani. Por dua ta përfundoj mirë sezonin. Unë dua t’ua dhuroj Scudetton tifozëve të Milanit”, është shprehur Ronaldinho.

Category: Futboll