Ferguson mohon spekulimet për pensionim

Menaxheri i Manchester United, Sir Alex Ferguson, ka hedhur poshtë raportet se ai planifikon të pensionohet në fund të sezonit.
Mediat angleze së fundi spekuluan se skocezi do të largohet nga fusha e gjelbër në fund të sezonit dhe madje përmendën disa emra të mundshëm për ta pasuar atë, mes të cilëve menaxherin e Interit, Jose Mourinho dhe atë të Evertonit, David Moyes.
“Është një gënjeshtër e plotë. Nuk ka asgjë të vërtetë në të. Nuk kam synime të pensionohem dhe nëse do ta bëja, njerëzit të cilëve do t’u tregoja janë (drejtori ekzekutiv) David Hill dhe familja Glazer”, ka thënë Ferguson.

Category: Futboll