Moratti: Balotelli do të dënohet, por na nevojitet

Presidenti i Interit, Massimo Moratti, ka deklaruar se Mario Balotelli do të dënohet për sjelljet e tij jo të mira pas fitores së Interit ndaj Barcelonës me rezultat 3-1.
Pasi Balotelli ofendoi klubin duke hedhur fanellën në tokë, tifozët e Interit kishin kërkuar nga presidenti i tyre që ta largojë sulmuesin sa më shpejtë që është e mundur.
“A do të ndërmarrim diçka? Diçka do të bëhet. Sidoqoftë, dëshira jonë është që ai të vazhdojë të punojë me skuadrën, sepse ai na nevojitet”, citohet të ketë thënë Moratti për Corriere dello Sport.
Këto fjalë të Morattit japin shenja se Balotelli do të marrë vetëm një dënim të lehtë.

Category: Futboll