Alonso: Sevilla të kopjojë Interin

Mesfushori i Real Madridit, Xabi Alonso, ka thënë se do të presë që Sevilla të përsërisë atë që bëri Interi në Camp Nou, duke shpresuar në një rrëshqitje të rivalit të përbetuar, Barcelonës.
“Të shohim nëse Sevilla mbrohet mirë dhe nëse arrin të dëmtojë kundërshtarin në kundërsulme, ashtu siç bëri dhe Interi”.
“Titulli mund të vendoset nesër (e shtunë), por do të duhet të luhet dhe java e fundit, që medoemos do të jetë vendimtare. Ne kemi treguar se kemi një vijë të përkryer ofensive me në krye Cristiano Ronaldon”, deklaroi Alonso.

Category: Futboll