NBA: Magic mposhtin Hawks për të dytën herë

Orlando Magic ka vazhduar me paraqitje të shkëlqyeshme duke mposhtur Atlanta Hawks për të dytën herë radhazi, kësaj here me rezultat 112-98.
Dwight Howard shënoi 19 pikë dhe 17 kërcime, ndërsa Vince Carter shënoi 24 pikë për Magic që tash avancojnë 2-0 në serinë e shtatë ndeshjeve të rundit të dytë gjysmëfinale të play-offit në Konferencën Lindore.
Al Horford shënoi 24 pikë dhe 10 kërcime derisa rezerva Jamal Crawford shënoi 23 pikë për Atlanta Hawks, që do të jenë nikoqir në ndeshjen e tretë që zhvillohet të shtunën.

Category: Basketboll