Mandela nuk merr pjesë në ceremoninë hapëse të KB

Nelson Mandela nuk do të marrë pjesë në ceremoninë hapëse të Kampionatit Botëror, pas vdekjes tragjike të mbesës së tij pas një koncerti në Soweto të enjten mbrëma.
Zenani Mandela, 13 vjeçare, ishte vrarë në një aksident automobilistik pas koncertit, duke ndikuar drejtpërsëdrejti në agjendën e Mandelas.
“Nelson Mandela këtë mëngjes mësoi se ka vdekur tragjikisht mbesa e tij, Zenani Mandela, në një aksident automobilistik. Do të ishte e papërshtatshme për të të merrte pjesë në ceremoninë hapëse të Botërorit. Ne jemi të sigurt se i gjithë opinioni mbarë botëror do të solidarizohet me zotëri Mandelan dhe tragjedinë në familjen e tij”, shkruhet në komunikatën e lëshuar nga fondacioni Nelson Mandela.

Category: Afrika e Jugut 2010