Sneijder: Shumë presion mbi Anglinë

Njëri nga futbollistët më të mirë të Botërorit, Afrika e Jugut 2010, Wesley Sneijder, ka thënë se mbi skuadrën angleze ka rënduar një presion shumë i madh që konsistoi nga pritjet e mëdha për sukses në këtë Botëror.
“Capello vë presion të veçantë mbi lojtarët që të luajnë mirë, kurse nga ana tjetër pritjet ishin gjithashtu të mëdha. Filozofia jonë është që të jemi të relaksuar dhe të kënaqemi, por duke mbetur edhe të fokusuar në të njëjtën kohë”.
“Ne duam që ta mbajmë në mend Afrikën e Jugut, ndërsa nuk e kemi problem të përzihemi me këdo që është duke qëndruar në hotel. Kjo na bën normal. Nuk ndjej nevojën për sigurim kur duhet të shkoj të drekoj me bashkëshorten time. I gjithë ekipi po kalon mirë”, ka thënë Sneijder.

Category: Afrika e Jugut 2010