West Ham përgatit tjetër ofertë për Neymar

West Hami thuhet se është duke e menduar të bëjë një ofertë tjetër në drejtim të Santos në tentim për të siguruar shërbimet e sulmuesit të ri Neymar.
18-vjeçari më herët kishte tërhequr dhe interesimin e gjigantëve spanjoll të Real Madrid, por që nuk arritën ta transferojnë sulmuesin e talentuar. Në ndërkohë, Çekanët e West Ham kanë tentuar ta transferojnë atë me një ofertë prej 12 milionë funtesh, që u refuzua menjëherë nga pala braziliane.
Drejtori sportiv i klubit, Luiz Nunes Pedro Conceicao, ka thënë më herët se lojtari nuk është në shitje, por e përditshmja angleze Daily Mail shkruan se londinezët dëshirojnë të bëjnë një ofertë më të mirë për ta transferuar të riun brazilianin në Ligën Premier.

Category: Futboll