Alves i uritur për sukses

Me të arritur në Seul, ku Barcelona pritet t’i zhvillojë ndeshjet përgatitore parasezonale, Dani Alves ka deklaruar se skuadra e tij do të luftojë në të gjitha frontet, për të gjithë trofetë.
“Ne kemi pritje të mëdha. Ne duhet të vazhdojmë punën që kemi bërë deri tani. Ne kemi humbur disa lojtarë të rëndësishëm, por edhe kemi transferuar lojtarë të cilët do të japin edhe më shumë në të ardhmen”.
“Unë i mora vetes kohë për të pushuar. Tani jam rikthyer me uri të shtuar dhe dua të filloj sa më shpejtë që është e mundshme. Çdo vit bëhet më e vështirë se sa më herët, për shkak se rivalët dëshirojnë të na rrëzojnë nga froni. Por, unë e di se mund t’i ripërsërisim gjërat e bukura”, u shpreh Alves.

Category: Futboll