Bartomeu: Për Cesc mbaruam, kërkojmë opsione tjera

Zëvëndëspresidenti i Barcelonës, Josep Maria Bartomeu, ka thënë se Blaugranët po shikojnë në alternativa tjera për këtë merkato, pas dështimit për ta transferuar Cesc Fabregasin nga Arsenali.
“Së pari ne do të shikojmë në ekipin B dhe më pas do të marrim një vendim. Ne kurrë nuk fillojmë duke kërkuar së pari nëpër treg, klubi gjithnjë punon në këto gjëra. Ne kemi bërë dy oferta për Fabregas, një në qershor dhe një tjetër në fillim të gushtit, por Arsenali nuk deshi ta shiste dhe ata nuk pranuan ofertat tona. Ata nuk kanë vënë çmim mbi të, ata vetëm thanë se nuk është në shitje”.
“Ne bëmë një ofertë të arsyeshme, por ata thanë ‘jo’. Kundër-oferta nuk kishte domethënie në atë rast. Nëse Arsenali do të dëshironte ta shiste, Cesc edhe më shumë. Bordi aktual e gjeti veten duke negociuar me një klub si Arsenali, që ishte i hidhëruar në Barcën”, tha Bartomeu.

Category: Futboll