Batista: Sistemi i Argjentinës, i gabuar

Përzgjedhësi i përkohshëm i Argjentinës, Sergio Batista, ka kritikuar sistemin aktual të akademive në Argjentinë dhe ka kërkuar që si shembull të merret sistemi i Spanjës.
“Problemi me futbollin e Argjentinës nis që nga baza. Dikush mund të thotë, cili është identiteti i futbollit argjentinas? Ne nuk e dimë këtë. Çdo vit po shohim më pak teknikë në fushë. Ne nuk duhet që domosdoshmërisht ta kopjojmë lojën e Spanjës në Botëror, por duhet ta kopjojmë projektin e tyre. Për 10 vite ata kanë punuar me të njëjtën filozofi në mënyrë që ta fitojnë Botërorin dhe Kampionatin Evropian”.
“Ne kemi me tonelata të lojtarëve si Xavi dhe Iniesta, por në vend që t’ua japim atyre topin, ne po u japim pesha për të ngritur dhe ky është gabim”, u shpreh Batista për Ole.

Category: Futboll