Leon: Do të jap gjithçka për Realin

Mesfushori i Real Madridit, Pedro Leon, mezi pret që të luajë në fanellën e Real Madridit, duke paralajmëruar se është i gatshëm ta japë jetën për klubin nga Bernabeu.
“Nuk hezitova kur agjenti më tha se Reali ishte i interesuar. Ky është klubi që gjithmonë e kam ëndërruar, kështu që kur e morra vesh se ata janë të interesuar, isha i sigurt që ndodhi. Jose Mourinho na e bën punën shumë të vështirë. Ai ka marrëdhënie të mira me të gjithë lojtarët dhe gjithë ajo që duhet të bëni është që t’ia shikoni vitrinën e titujve për të kuptuar se sa i mirë është. Jam i sigurt se ne do të jemi një ekip i mrekullueshëm”.
“Unë do të jap jetën për këtë ekip. Unë e di se nuk do të jetë lehtë, sepse unë duhet të përmirësohem, por jam më shumë se në gjendje për të bërë progres, sidomos tek një klub i tillë. Shpresoj se do luaj këtu shumë vite dhe do të fitoj shumë tituj”, ka thënë Pedro Leon për Marca.

Category: Futboll