Reali kthehet kah Thiago Silva

Sipas AS, Real Madridi nuk ka ndërruar terrenin e kërkimit të mbrojtësit të ri, por vetëm pjesën e qytetit ku është duke qëndruar pas dështimit për Maicon, bëhet fjalë për Milanellon dhe ri-interesimin për Thiago Silvan.
Merengezët ishin tejet të interesuar për shërbimet e Maicon, por vetë fakti se patën të bëjnë me Massimo Morattin dhe aftësinë e tij për të manipuluar me të interesuarit, bëri që marrëveshja të dështojë.
Sidoqoftë, Real Madridi nuk është në disponim për të bërë shaka me Morattin dhe prandaj është kthyer për një ‘vizitë’ në Via Turati për të biseduar për transferimin e Thiago Silvas i cili shihet si alternativë e mirë për repartin defensiv. Sipas mediumeve spanjolle, një ofertë prej 25 milionë eurosh do të mund të lëkundte drejtuesit nga San Siro të cilët gjenden në vështirësi relativisht të mëdha financiare.