Hernandez: Është mrekulli të jesh lojtar i United

Heroi i Manchester United, Javier Hernandez, ka lavdëruar bashkëlojtarët e tij pas fitores së mbrëmshme ndaj Valencias ndërsa ka thënë edhe se është ‘mrekulli’ të jesh lojtar i Djajve të Kuq.
Chicharito shënoi në minutën e 85-të të ndeshjes, pas një loje të mirë të Federico Macheda dhe po ashtu Nanit.
“Ishte një lojë e mirë nga Nani dhe unë isha në gjendje ta dërgoj topin në rrjet. Jam përshtatur mirë te Manchesteri. Kam mësuar dhe punuar shumë pasi dua t’ia dal mirë këtu, jam shumë i motivuar. Po kënaqem dhe është mrekulli të jesh një lojtar i United. Dua të vazhdoj kështu për shumë kohë”, ka thënë Hernandez.

Category: Futboll