Seedorf: Ibrahimovic ideal për Milanin

Mesfushori holandez Clarence Seedorf thotë se Zlatan Ibrahimovic do t’i dëshmojë vlerat e tij te Milani.
“Fansat bëjnë mirë të ëndërrojnë dhe ne do të përpiqemi t’i bëjmë ata të ëndërrojnë përsëri, por ne duhet të jemi realist. Ne po ndërtojmë një shtëpi: do të na duhet kohë ta shohim Milanin ashtu siç dëshirojmë. I kërkoj çdokujt të ketë pak durim”.
“Ibrahimovic është një djalosh i mirë, ai është bujar dhe kujdeset për ekipin. E kam njohur atë kur ai ishte te Juventus. E kam ndjekur atë që kur ai arriti në Itali nga Ajaxi, pasi më pëlqeu shumë. Transferimi te Milani ishte ëndërr e tij, por shumë gjëra ndodhin në Milan”.
“Milani mund t’ia dalë mirë në Ligën e Kampionëve dhe në Serie A, por testi i vërtetë është Serie A. Gjëra të caktuara vijnë vetvetiu në Ligën e Kampionëve, pasi ka ekipe që ju japim më shumë hapësirë. Është një garë ku vlerësoni veten dhe gjeni vazhdimësinë lojë pas loje”, ka thënë Seedorf.

Category: Futboll