Messi: Xavi dhe Iniesta favoritët për Topin e Artë

Futbollisti më i mirë në botë, aktualisht fituesi në fuqi i Topit të Artë dhe sulmuesi i Barcelonës, Lionel Messi, ka deklaruar se ai dëshiron që Topi i Artë të mbetet në zhveshtoren e Barcelonës, me ç’rast si favoritë ka përcaktuar dy bashkëlojtarët e tij, Xavi dhe Iniesta.
“Çfarë do të doja që të ndodhte para së gjithash është që Topi i Artë të mbesë në zhveshtoren tonë. Favoritët janë Xavi dhe Iniesta, që shënoi në finale, edhe pse lojtari më i mirë i kampionatit u zgjodh Diego Forlan”.
“Ky Kamnpionat Botëror do të ketë peshë në marrjen e këtij vendimi. Fitorja e Spanjës ishte plotësisht e merituar, sepse ata bënë futboll të mirë dhe ishin në gjendje që ta përballojnë presionin e të qenit favorit”, deklaroi Messi për France Football.

Category: Futboll