Ancelotti kërkon më shumë gola

Carlo Ancelotti mendon se Chelsea duhet të fillojë të shënojë më shumë gola në fushë mysafire nëse dëshiron të luftojë për titullin e Ligës Premier.
Blutë kanë shënuar vetëm një gol në tre ndeshjet e fundit në fushë mysafire, diçka që ka filluar ta shqetësojë Ancelottin. Goli erdhi në takimin e djeshëm, kur Chelsea barazoi 1-1 në fushë të Newcastle duke humbur kështu edhe kreun e tabelës ndaj Manchester United.
“Nuk kishim fat, por duhet të jemi më të mirë para golit kundërshtar, në fushë mysafire ne kemi shënuar vetëm një gol në tre takime, dhe kjo nuk është e mjaftueshme. Duhet të përmirësohemi”, ka thënë Ancelotti.

Category: Futboll