Ancelotti: 80 pikë nëse duam titullin

Menaxheri i Chelseat, Carlo Ancelotti ka thënë se Chelsea duhet të fitojë së paku 15 nga 17 ndeshjet e mbetura në Ligën Premier për ta rifituar titullin në Ligën Premier.
“Nëse e fitojmë titullin nga kjo pozitë ku gjendemi tani, do të ishte arritja më e madhe e imja si trajner. Ne kemi pasur nevojë vitin e kaluar për 86 pikë, këtë herë do të jenë më pak, 80 do të mjaftonin”.
“Ne do të tentojmë ta bëjmë atë por do të jetë e vështirë. Në Ligën Premier, gjasat më të mëdha i ka Manchester Unitedi. Ata janë nëntë pikë para nesh dhe kanë një ndeshje më pak. Që ta zvogëlojmë një epërsi të tillë të Unitedit duhet t’i fitojmë të dyja ndeshjet ndaj tyre”, u shpreh Ancelotti.

Category: Futboll