Anelka inspirohet nga Arsenali

Nicolas Anelka shpreson që historia të përsëritet dhe Chelsea i tij të bëhet kampion në fund të sezonit, ashtu si kur ishte lojtar i Arsenalit në vitin 1998.
Francezi ishte pjesë e skuadrës së Arsenalit që në vitin 1998 shkriu epërsinë prej nëntë pikësh me Manchester Unitedin për ta fituar titullin në fund, ndërsa Anelka beson se këtë mund ta bëj edhe me Chelsean.
“Do të jetë e vështirë por gjithçka është e mundur edhe nëse është e vështirë. Ne duhet të fitojmë çdo ndeshje tani e tutje dhe ndoshta mund ta bëjmë këtë, por të fitojmë çdo ndeshje është e vështirë. Më me rëndësi është të fitojmë ndaj ekipeve të cilat janë përreth nesh dhe përballë nesh. Te Arsenali në vitin 1998 ne kemi pasur besim sikurse siç kam thënë, në futboll gjithçka është e mundur dhe nëse ju fitoni e të tjerët humbasin, kjo mund të ndodhë”, u shpreh Anelka.

Category: Futboll