McClaren: Wolfsburg s’ka çfarë të humbasë kundër Bayernit

Trajneri i Wolfsburgut, Steve McClaren, e ka bërë të qartë se ekipi i tij nuk ka çfarë të humbasë në ndeshjen e nesërme derbi të Bundesligës, ndaj Bayern Munich, që është edhe ndeshja e parë e pjesës së dytë të sezonit në kampionatin gjerman për të dyja ekipet.
“Ne të gjithë kemi pasur pushim dhe tash jemi të gatshëm për lojë. Asnjëherë dy pjesë të futbollit nuk janë të njëjta, andaj ne kemi shansin t’i bëjmë gjërat më mirë pas pjesës së parë zhgënjyese të sezonit”.
“Detyra jonë është të fitojmë ndeshjen e ardhshme dhe fakti se nuk kemi asgjë për të humbur kundër Bayernit është një avantazh për ne. Neve na duhet qasja e duhur, freskia dhe përkrahja e fuqishme nga fansat. Ne jemi mirë të përgatitur dhe mezi presim të dalim në fushë”.
“Presioni në Bayern Munich është i madh. Ata kanë cak për të fituar ligën dhe për momentin ata kanë 14 pikë për të rikuperuar. Ata vërtet nuk mund ta lejojnë edhe një rënie tjetër, nëse dëshirojnë të kenë shans për ta fituar kampionatin”, ka thënë McClaren.

Category: Futboll