Milani nuk ka kontaktuar me Van Bommel

Agjenti i Mark van Bommel, Mino Raiola, ka njoftuar se nuk ka qenë në kontakt me Milanin për mesfushorin e Bayern Munichut.
Kontrata aktuale e 33-vjeçarit me bavarezët skadon në fund të këtij sezoni, ndërsa të martën është spekuluar se Rossonerët dëshirojnë ta transferojnë holandezin.
“Është e vërtetë se këtë javë do të jem në Milano, por për të diskutuar gjëra tjera. Nuk kam pasur kontakt me Milanin”.
“Ende nuk kam folur me Van Bommel dhe është ende herët të flasim për rinovim eventual të kontratës”, citohet Raiola nga calciomercato.it.

Category: Futboll