Nistelrooy shënon het-trik kundër Ajaxit

Sulmuesi holandez Ruud van Nistelrooy ka shënuar het-trik në ndeshjen miqësore të skuadrës së tij kundër Ajaxit të Amsterdamit, të cilën gjermanët e fituan me rezultat 4-2.
Nistelrooy krijoi epërsi të dyfishtë në pjesën e parë (2’ dhe 37’), para se Jarolim të trefishonte epërsinë (44’), dhe me rezultat 3-0 përfundoi pjesa e parë.
Në gjysmën e dytë, Suarez shënoi dy gola të shpejtë (60’ dhe 61’) për të ngushtuar rezultatin në 3-2, mirëpo ish-sulmuesi i Real Madridit kompletoi het-trikun e tij (75’) për rezultatin përfundimtar 4-2.
Ndërkohë, me golat e Muller (57’), Schweinsteiger (68’ dhe 73’) dhe Altintop (89’), edhe Bayern Munichu ka shënuar fitore prej 4-0 kundër Al-Wakras.
Ndërsa nga skuadrat gjermane që u mposht, ishte Hannoveri që pësoi nga Galatasaray me rezultat 3-0.

Category: Futboll