Rossi nënshkruan kontratë të re me Villarrealin

Sulmuesi italian Giuseppe Rossi ka nënshkruar kontratë të re me Villarrealin e cila do ta mbajë atë në El Madrigal deri në qershor të vitit 2016.
Në një deklaratë në faqen zyrtare të Villarrealit shkruhet: “Pasi vazhdimisht ka shprehur dëshirën e tij për të mbetur në Villarreal, sulmuesi, i lindur në Teaneck (New Jersey, SHBA), do të luajë me Nëndetësen e Verdhë edhe për pesë vitet e ardhshme”.
Rossi u zhvendos te ekipi spanjoll nga Manchester United në vitin 2007 dhe e ka ngritur veten si një prej sulmuesve më të mirë në kampionatin spanjoll.
Ai ka shënuar 19 gola në të gjitha garat këtë sezon për të ndihmuar Villarrealin të ngjitet në pozitën e tretë në tabelë.

Category: Futboll