‘Të gjithë’ mungojnë ndaj Milanit?

Menaxheri i Tottenhamit, Harry Redknapp, ka thënë se tre lojtarët kryesorë, Gareth Bale, Luka Modric dhe Rafael Van der Vaart, mund të mungojnë në sfidën e Ligës së Kampionëve ndaj Milanit në San Siro, për shkak të lëndimeve.
“Që të gjithë po vuajnë për momentin. Po e kam të vështirë ta them nëse ata do të jenë të gatshëm për të martën. Modric ka filluar të vrapojë lehtë por nuk do të luajë të shtunën. Van der Vaart ka një ndrydhje në ije dhe Gareth Bale po riaftësohet ngadalë”.
“Ne kemi aty-këtu lojtarë të lënduar dhe shpresoj se nuk do të mungojnë gjatë”, potencoi Redknapp.

Category: Futboll