Ancelotti: United dhe Arsenal nuk duhet të bëjnë gabime

Carlo Ancelotti ka shprehur kënaqësinë për rikthimin e bërë së fundmi të Chelseat në luftën për titull në Ligën Premier, ndërsa thotë se Manchester United dhe Arsenal nuk duhet të bëjnë gabime, pasi do të dënohen. “Nëse mendoni pak ku ishim tre muaj më parë, ishte ëndërr të vijmë në këtë pozitë. Nuk e di çfarë mund të bëjmë deri në fund. Ne kemi mundësinë për të bërë më të mirën”. “Mendoj se Manchester United dhe Arsenali nuk duhet të bëjnë gabime, por ky është futbolli. Në prill të gjithë luajnë me letrat më të mira, kështu edhe ne duhet të luajmë me letrat që i kemi në dorë edhe pse nuk janë të mira. Është shumë me rëndësi se çfarë do të bëjmë në ndeshjet në vijim”, deklaroi Ancelotti.

Category: Futboll