Bale: Të sigurojmë pozitën e katërt

Tottenham do të fokusohet në Ligën Premier me synimin për të siguruar pozitën e katërt që dërgon në Ligën e Kampionëve për sezonin e ardhshëm, thotë Gareth Bale. Ekipi anglez u eliminua nga Real Madridi në çerekfinale të Ligës së Kampionëve, ndërsa aktualisht pozicionohet një vend larg pozitës së katërt, që kualifikohen në garën evropiane për sezonin e ardhshëm. “Disfata është e vështirë, por ne e dinim që para ndeshjes se do të jetë një sfidë e vështirë. Ne kemi pasur një ecuri të shkëlqyeshme në Ligën e Kampionëve dhe jemi krenar për këtë, por, në fund të ditës, ne humbëm nga ekipi që ishte më i mirë”. “Ne kemi shanse të përfundojmë në pozitën e katërt. Ne jemi tre pikë larg Cityt me një ndeshje më pak, dhe do të përballemi me ta, Chelsean dhe Arsenalin. Andaj ende ka shumë për t’u luajtur dhe ne do të jemi të gatshëm për të vazhduar më tej” ka thënë Bale pas takimit të mbrëmshëm.

Category: Futboll