Ferguson: Giggs i mahnitshëm

Menaxheri i Manchester United, Sir Alex Ferguson, ka quajtur golashënuesin Ryan Giggs një ‘njeri të mahnitshëm’ pas fitores së mbrëmshme 2-0 ndaj Schalke.
Giggs ishte përgjegjës për krijimin e disa shanseve të shkëlqyeshme të United dhe po ashtu shënoi golin e parë të takimin e parë gjysmëfinale të Ligës së Kampionëve, që i jep një shtytje ekipit të Ferguson drejt finales së 28 majit në Wembley.
“Është e çuditshme pasi vitet kulminante të Ryan kanë zgjatur kaq shumë. Ju do të mendoni, në moshën 37-vjeçare ai do të tregonte shenja të zbehjes. Nuk shoh ndonjë evidencë për këtë. Ne tentojmë që ai të pushojë para ndeshjeve, por kur ai e fiton atë freski, ai nuk tregon shenja të lodhjes aspak. Ai është një njeri i mahnitshëm”, ka thënë Ferguson.

Category: Futboll