Galliani: Nuk e kemi fituar ende titullin

Zëvëndëspresidenti i Milanit, Adriano Galliani, ka mbajtur këmbët në tokë dhe nuk ka preferuar të fluturojë në qiellin e shtatë, duke deklaruar se titulli ende nuk është fituar. “Ne kemi pasur një fillim të mirë në këtë ndeshje, ne kemi qenë të pa mëshirshëm dhe i befasuam me një gol të shpejtë. Ne ende nuk kemi fituar asgjë, por Interi do të paguajë për gjashtë pikët e humbura ndaj nesh në dy derbit këtë sezon”. “Ne kemi fituar një ndeshje shumë të rëndësishme, por janë edhe shtatë sfida të mbetura dhe 21 pikë për t’u fituar. Ju mund ta fitoni një derbi dhe ta humbisni titullin dhe anasjelltas. Sidoqoftë, duhet të mbajmë këmbët në tokë dhe të jemi të fokusuar e të qetë. Javën e ardhshme i shkojmë Fiorentinës dhe për këtë sfidë duhet të koncentrohemi nga e diela”, u shpreh Galliani.

Category: Futboll