Guardiola do parashikonte fitore 60-0 ndaj Realit

Trajneri i Barcelonës, Pep Guardiola, ka pohuar se ai do të kishte thënë se ekipi i tij do ta mposhtë Real Madridin me rezultat 60-0 - ironi kjo pas deklaratës së Sandro Rosell i cili kërkoi ripërsëritje të fitores prej 5-0. “Unë do të kisha thënë 60-0, por edhe Rosell ka mundur të shmanget prej këtyre komenteve. Unë nuk do ta kisha thënë këtë. Secili ka mendimin e vet. Ai ka thënë se është akt i solidaritetit dhe kështu edhe duhet të shihet, por deklarata ka mundur të shmanget. Është e pa mundur të fitosh me rezultat 5-0 ndaj Real Madridit në një finale”. “Presidenti ka më shumë përvojë se unë në dhënien e mendimeve. Njëzëri klubi është pajtuar që të mos bëjë skena pas fitoreve dhe t’i përgëzojmë kundërshtarët edhe kur humbasim. Lojtarët janë shembull në shumë mënyra si brenda ashtu dhe jashtë stadiumit. Kjo është Barcelona”, u shpreh Guardiola.

Category: Futboll