Guardiola: Nuk po mendoj për Realin

Trajneri i Barcelonës, Pep Guardiola, ka refuzuar të flasë për një përballje të mundshme me Real Madridin në gjysmëfinale të Ligës së Kampionëve, përkundër fitores prej 5-1 ndaj Shakhtarit në Camp Nou. Edhe Real Madridi është fare pranë gjysmëfinales pas fitores prej 4-0 në shtëpi ndaj Tottenhamit. “Rezultati është ai që është, por Shakhtari po drejtohet nga një trajner me përvojë dhe jam ende i frikësuar. Ne duhet të luajmë së pari në Donetsk dhe më pas të mendojmë për Real Madridin”. “Mos i besoni Mircea Lucescut kur thotë se gjithçka ka mbaruar. Unë po ju them një gjë: këtu nuk ka mbaruar asgjë. Ne e kemi mposhtur në shtëpi me rezultat 5-0 Betisin dhe më pas kemi pësuar humbje prej 3-1 në transfertë. Unë ju kam tërhequr vërejtjen, por më akuzuat për modesti të rreme”, ka thënë Guardiola.

Category: Futboll