Modric bën kërkesë transferimi

Luka Modric ka bërë kërkesë te klubi i tij Tottenham Hotspur t'i lejohet të transferohet te Chelsea, shkruajnë mediat angleze.
Modric, 25-vjeçar, edhe më herët e ka bërë të qartë se ai dëshiron t’i bashkohet Chelseat gjatë verës, por Tottenhami ka refuzuar dy oferta nga klubi rival, të cilat besohet të jenë në vlerën e 22 dhe 27 milionë funteve.

Kroati fillimisht tha se nuk do të kërkojë të transferohet, por refuzimi i Tottenham për të negociuar me Chelsean ka detyruar atë të marrë hapa të tij.

Modric ka thënë se ka një “marrëveshje xhentëlmene” me Daniel Levy e cila do t’i lejonte atij të diskutojë një transferim te një klub më i madh dhe ka kritikuar shefin e Spursave për dështim t’i përmbahet premtimeve.

Megjithatë edhe Levy edhe menaxheri Harry Redknapp mbeten të bindur se Modric nuk do të lejohet të transferohet në Stamford Bridge.

Category: Futboll