Chelsea ofron 27 milionë për Mata

Chelsea ka bërë një ofertë të re në vlerën e 27 milionë funteve për anësorin e Valencias, Juan Mata, shkruan Telegraph-i britanik.
Pasi u raportua se oferta në vlerën e 22 milionë funteve (25 milionë euro) u refuzua nga klubi spanjoll këtë javë, Blutë menjëherë kanë rritur ofertën e tyre me qëllim që të eliminojnë çdo rival tjetër që tenton të transferojë mesfushorin.

Oferta e Chelseat pritet të jetë e mjaftueshme për të bindur Valencian të lejojë largimin e lojtarit dhe t’i japë fund çdo lidhje të mëhershme në mes të spanjollit dhe klubeve të tjera të Ligës Premier, si Liverpool, Arsenal dhe Tottenham.

Pasi barazoi pa gola ndaj Stoke Cityt, menaxheri i ri i Bluve, Andre Villas-Boas, është duke kërkuar të shtojë më shumë opsione në repartin e sulmit.

Mata ka shënuar 46 gola në 174 paraqitje për Valencian.

Category: Futboll