Galliani: Më falni, Kaka nuk rikthehet

Zëvëndëspresidenti i Milanit, Adriano Galliani nuk ka ndonjë problem me Rino Gattuson dhe thirrjet e tij për rikthimin e Kakas nga Real Madridi në San Siro.
Sidoqoftë, përkundër faktit që Galliani nuk e përjashton një rikthim të brazilianit, ai ka ripësëritur vështirësitë financiare për Rossonerët në realizimin e kësaj marrëveshje.

“Të shohim çfarë do të ndodhë. Për momentim jemi mirë kështu, edhe nëse afati kalimtar është i hapur deri më 31 gusht. Unë do të isha i lumtur po aq sa Gattuso nëse ai do të kthehej. Dy vite më parë kur ai u transferua te Reali, jam prekur aq shumë. Por, ai ka një çmim që është i lartë për Milanin. Që të vijë këtu, ai duhet të pranojë ulje të pagës, më shumë se Fabregas te Barcelona. Dhe që ai të rikthehet, duhet ta blejmë me para në dorë, më vjen keq për tifozët, por rikthimi i tij nuk do të ndodhë kurrë”, u shpreh Galliani.

Category: Futboll