Het-trik i Higuain në fitoren e Realit

Me rezultat prej 4-0, Real Madridi ka shënuar fitore përballë Espanyolit në një udhëtim të vështirë në Estadi Cornella El Prat.
Ishte mbrëmja e Gonzalo Higuain, i cili u angazhua në sulmin e Los Blancos në mungesë të Karim Benzemas, dhe arriti të shënojë tri herë.

Goli i parë erdhi pas një asistimi të Cristiano Ronaldos, me ç’rast argjentinasi u tregua konkret (17’).

Higuain pranoi një top të gjatë nga Alvaro Arbeloa dhe goditi me të parën për të shënuar një gol mjaft të bukur për rezultatin 2-0 (66’).

Ish- lojtari i Espanyolit, Callejon, shënoi golin e tretë për mysafirët (82’), mirëpo të gjithë punën e kreu Ronaldo.

Higuain e kompletoi het-trikun e tij në minutën e 89-të duke shfrytëzuar një gabim të mbrojtjes vendase.

Kjo fitore e pozicionon Real Madridin në vend të tretë në tabelë me një pikë diferencë nga liderët, Barcelona dhe Levante.

Category: Futboll