Maradona: Ferguson është qesharak

Legjenda argjentinase, Diego Maradona, e ka quajtur bosin e Manchester United, Sir Alex Ferguson, si ‘qesharak’, pas ndërhyrjes së skocezit në çështjen Carlos Tevez.
Carlos Tevez është suspenduar nga Manchester City pasi refuzoi të luajë në ndeshjen ndaj Bayernit dhe zërat pas këtyre veprimeve kontroverse kanë prekur edhe rivalët e United, me Ferguson që ka mbajtur anën e Mancinit. Kjo duket se nuk i ka pëlqyer fare Maradonës.

“Ferguson nuk duhet të flasë për Tevezin, pasi ai u bë trajner i madh vetëm pasi mori lojtarë të mëdhenj”.

“Ferguson e ka mbrojtur Mancinin dhe unë e njoh Mancinin mirë, e njoh edhe Tevezin dhe nëse Ferguson vërtet nuk e di si është puna, atëherë ai nuk duhet të flasë fare pasi është shumë qesharak”, tha Maradona duke akuzuar rëndë strategun e United.

Category: Futboll