Obi kërkon falje për përjashtimin

Mesfushori i Interit, Joel Obi, i cili ishte viktimë e referimit skandaloz në ndeshjen derbi ndaj Napolit, ku u përjashtua nga loja nga gjyqtari Rocchi, u ka kërkuar falje tifozëve të Interit, teksa shprehu zhgënjimin me referimin.
“Kontakti krah më krah, për të cilin gjyqtari dha penalti, ndodhi jashtë zonës. Unë e fitova topin dhe lojtari i Napolit ishte në këmbë, kështu që nuk po e kuptoj as kartonin e parë të verdhë”.

“Sidoqoftë, unë u kërkoj falje të gjithë tifozëve dhe bashkëlojtarëve të mi. Unë falënderoj tifozët për përkrahjen. Ne nuk do të dorëzohemi”, u shpreh Obi.

Category: Futboll