Messi: Barca nuk dorëzohet kurrë

Superylli i Barcelonës, Lionel Messi, ka deklaruar se katalunasit nuk do të heqin dorë nga gara për titull, përkundër hapit të gabuar që e bënë të shtunën mbrëma.
Blaugranët barazuan pa gola ndaj Villarrealit dhe kështu gjenden shtatë pikë prapa Real Madridit në tabelën e La Ligas.

“Barcelona nuk dorëzohet kurrë. Raundi i dytë i ndeshjeve sapo ka filluar, ka mbetur edhe shumë”.

“Janë edhe shumë pikë për të cilat duhet luftuar, tash duhet të fokusohemi në ndeshjen e Kupës së Mbretit (ndaj Valencias) dhe duhet të bëjmë mirë, në mënyrë që të jemi në finale”, ka deklaruar argjentinasi.

Category: Futboll