Anzhi, 25 milionë euro për Sneijderin

Anzhi Makhachkala është duke përgatitur një ofertë prej 25 milionë eurosh për mesfushorin e Interit, Wesley Sneijder– raporton Sportmediaset.
Gjatë këtij sezoni holandezi ka pasur probleme të shumta me lëndime dhe fitnes që kanë ndikuar në formën e tij, ndërsa gjatë afatit kalimtar të janarit është lidhur me një kalim te Manchester Unitedi.

Tani mediat italiane raportojnë se Anzhi planifikon ta transferojë lojtarin para mbylljes së afatit kalimtar rus (që përfundon më 24 shkurt).

Klubi që transferoi Samuel Eto'on gjatë verës thuhet se është i gatshëm që t’i ofrojë Sneijderit tetë milionë euro për sezon.

Category: Futboll